.gif)
عادي ايزي لايف ومحد درى ....
السلام عليكم ورحمة الله وبركاته ......
بتكلم عن حال شباب وبنات النت بشكل عام وممكن تكون بنسبة 90%
اول مايفتح الكمبيوتر وبرواية اخرى لابتوب .... يفصخ قناعه الحقيقي ويلبس قناع خفي ....
يتصفح المنتديات وكل منتدى له فيه شخصيه غير ... يدخل منتدى اسلامي ويكون متدين
وبعدها يفتح منتدى المطرب الفلاني ويقول يالبيييييه وربي البومه فله
يدخل في مليون شخصيه في ربع ساعه ... يكتب مواضيع بدون حسيب ولا رقيب ...
يبدع باللي خجل يكتبه عند اهله وربعه لان محد يعرف من هو ولا اسمه ....
اول مافتح الكمبيوتر خالد وبعد دقيقه صار احمد فتح المنتدى الثاني صار فارس
يفتح المسن .... ويقول للاولى هلا اختي شخبارك عساك بخير وشخبار الدراسه ...
ويقول للثانيه هلا قلبي وربي ولهت علييك المسن ظلمه بدونك امس ...
عادي ايزي لايف ومحد درى ....
يكلم شباب محترمين وهو داخل الجو معهم ولاعب دور المحترم ويقول برب بصلي
ويروح يجيب الشيشه ويرجع يقولهم .... منا ومنكم صالح الاعمال
عادي ايزي لايف ومحد درى ....
يلعب دور الولد الصغير ويلعب دور البنت ويلعب دور الدكتور ويلعب .............
عالم غريب تقدر تدخل وتمثل ومحد درى عنك وتكسب حب كل الناس محترمين ولا صايعين
وتدخل البنت يقولها الشاب ممكن اتعرف تقول سوري ماعندي هالسوالف وهو يقول في نفسه ماشاء الله فيه ليلحين بنات محترمات الله يكثر من امثالك .... وتفتح الايميل الثاني وتقوله وينك امس مارديت عالجوال ......
عادي ايزي لايف ومحد درى .....
خلص الشاب من السوالف والادوار المختلفه ولعب على كثير ... قفل الكمبيوتر وراح بدل وكشخ ولبس الشماغ ونزل لاهله رافع حواجبه انا طالع بغيتو شي ... ويشوف اخته من طرف عين وبعدين معاك انتي ماتملين من هالكمبيوتر تراه ماينفع والله سكري وروحي ساعدي امك ابرك لك ......
عادي ايزي لايف ومحد درى.....
يدخلون الناس ويعيشون شخصيات مختلفه ويشبعون رغباتهم وطموحاتهم ....
عالم جميل وعالم غريب .....
ولاننسى الله يراقبه في كل شخصياته ومهما لبسنا اقنعه الله يعرف من نكون
 | 
العرض العادي
