مهزلة مركز شرطة شروره

#1 12-01-2009, 11:54 PM

السلام عليكم ورحمة الله وبركاته

العنوان يمكن انه لفت انتباهكم لكني احدثكم الآن عن شيء حدث معي قبل ثلث ساعات بالضبط
دق جوال واحد من الشباب كنت راكب وياه والمتصل كان اخوه يقول له انا بمركز الشرطه مسكوني
ونطلع على القسم انا وياه ونجي عند الباب اللى وجندي حارس على الباب

الجندي : وش عندكم ؟

خويي : ماسكين اخوي ليش وش عنده ؟

الجندي : تجول .

خويي : الساعه 8.30 تجول !!!!!!!!!!!!!!!!!!!!

الجندي : ولا معهم اثباتات .

خويي : توهم صغار عادهم بكرت العايله .

الجندي : طيب يشيل صوره من الكرت بجيبه .

خويي : طيب ابغى اشوفهم .

الجندي : هم قدامك واقفين بالحوش . ( وشوفهم حاطين كل واحد بجهه )
خويي : طيب والحل ؟

الجندي : روح جيب اثباتاتهم ((وبنطلعهم)) .

ورحنا وجمعنا اثباتاتهم نت بيوتهم واللي جا معنا ابوه الحاصل
تجمعنا عند المركز

ابو واحد من العيال : وش سووا العيال .

الجندي : تجول .

الاب : طيب هذي اثباتاتهم .

الجندي : طيب جيبوا الاثباتات . ويشيل الاثباتات ويقول وين اثبات السياره ؟؟؟؟؟؟؟

الولد اللي يسوق السياره : مع ابوي .

الجندي : ووين ابوك .

الولد : بالباحه .

الجندي : اجل ما يطلعون الين يجي اثبات السياره يمكن مسروقه . هههههههههههههه

الاب : طيب احد بلغ على السياره .

الجندي : لا لكن للاحتياط . (( للاحتياط توقف سته عيال اكبر واحد فيهم عمره 15 سنه !!!!!!!!))

الاب : يا اخي اثبات الولد عندك شوف السياره لوايحها باسم من ؟؟؟

الجندي : مافيه الين ما يجي اثبات السياره . (( ويتكلم من طرف خشمه ))

الساعه قدها 10 لا فيه فايده

وآخر ما توصلوا اليه هو ان يوقفوا العيال الين الفجر
وكذا قالها الجندي بنطلعهم الفجر ولا جيبوا اثبات السياره

جرت هذه المحادثات كلها في الشارع عند باب القسم والمفروض منهم انهم اقل شي يقولون ادخلوا في المكتب مهوا جندي طرطور ممسكينه البوابه يامر وينهي

والله انها مهزله
ولا ادري هل النظام يقول كذا امسك كل البزارين اللي ماشيين بالشوارع بدون اثبات؟
ولا هالنظام مسطنع من ادارة مركز شروره؟ ولا من دوريه فاضيه مهي عارفه وش تسوي ؟فإلى متى هذه المهزله ؟؟؟؟؟؟؟؟؟؟؟؟؟؟؟؟؟؟؟.

12-02-2009, 12:16 AM

لي باك عالموضوع ,,

<<<يبغى ينزل حره في الششرطه ^_^

12-02-2009, 02:56 AM

*~

عن جد مهزله ..
وليش ساكتين لهم ياعمي خمه بكف خله يرد حسه >>

امزح هههههههه
امحق من شرطه
صراحه شرطه السعوديه كل ابوها مهستره

الله يعينكم عليهم ..~

*~

12-02-2009, 05:02 AM

اعرفهم شرطة شروره الجندي عندهم يفكر نفسه فريق ركن والله
بس تدرون يستاهل الجزاء
الجنوبي ربي يعينك على مثل هالاشكال
موفق اخوي

12-03-2009, 12:04 PM

من جد مهزله
من يكون يتعامل مع الناس بتعالي هو جندي ولو كان عقيد الانسان له احترامه خصوصا المواطن

12-03-2009, 04:28 PM

والله من جد الشرطي الطرطور
يصدر قرارات على كيفة والى
يشوفة يقول ذا المدير ......
خلها على ربك بس....

12-04-2009, 04:47 AM

اشكرك اخي الصيعري الجنوبي على تناولك لهذا الموضوع

الهام والذي وددت اكثر من مره ان اكتب حوله

فشروره اجزم انها الجزء الوحيد من السعوديه التي تمارس

فيها الشرطه اساليبها العفنه والقذره وربما كان لاحترام اهلها المبالغ

للرجال الشرطه دور في ذلك ولكن يجب علينا ان نجد حل لمشكلتنا

اتمنى ان ارى ردودكم ونقاشاتكم على هذا الموضوع الهام جدا
ولكم مني جزيل الشكر والعرفان

12-05-2009, 12:44 AM

الصيعري الجنوبي ,,’

الشرطه وما ادراك ما الشرطه,’’

ياولد ووالله لو معي سلطه عليهم الاخليهم يعرفون ان الله حق ,’’’

وبعدين ما يمسكون الا عيال صغار ,’’

عارفين انفسسهم لو كبار يعرفون وش بيصير لهم ’’آ

لانهم ماسكينهم ع تجول السساعه 7 باليل اي تجول يابن الناس .,’

تحصل التفتيش في كل مكان ,’’ لو تجيهم عشر مرات يفتشون .,,’

هاذا كله يرجع لولاه الامر .,’ الحين الحمدالله الشباب متعلمين يعرفون الي يسسونه .,,

اول ياما وياماا اكلنا من الشرطه وياماما اذا شفناهم مع شارع نمسسك الشارع الثاني .,,

لماذا,’’.؟

لانه تعاملهم كان تعامل وسخ بمعنى الكلمه ,’’’’

الصيعري الجنوبي شد حياللك والادهاء العام يرحب .,,

نرفع شكوى ونرويهم كيف ثاني مره اذا يبغون يتعرضون احد يحسسبون حسابهم .,

12-22-2009, 11:14 PM

لا لا تفهمون غلط وتحطون في رجال الامن الاشاوس اللي فيهم وللي مافيهم

هذولا رجال امن وتصلهم مشاكل ومشاكل انت لا تعرفونها

والجندي اللي قال مايطلعون العيال الا بعد ان يجي اثبات السياره

اقول له الف شكر ايها الجندي البطل لانه اكيد قد حدث له ان طلع عيال

وبعدين رجع يدور عليهم بعد اثبات ان السياره اللي معهم كانت مسروقه

وبعدين لا تنسون ان شروره منطقه حدوديه

12-23-2009, 07:43 PM

السلام عليكم ورحمة الله وبركاته
من جد مهزله وبقوه
بس انا اعتب عليك لانك لاتعلم ان صار اسمها (( دولة شروره الشقيقه))
ههههههههههههههههههههههههههههه
وشكرا ااااااااااااااااااااااااااا